無良健身中心利用途人的同情心行騙，大部份年輕事主受騙後，反感到自責，「覺得自己好蠢，做好心換嚟咁嘅下場，唔會想再對人哋有同情心，想自己變得冷漠啲。」有事主更直言不敢再單獨去旺角，在街上遇到有人埋身，亦感十分驚慌，不敢再輕信他人，至今無法擺脫陰霾。
大專生阿Kay表示，6月初遭S.M.L.騙去全副身家1.3萬元，是她過去做兼職售貨員辛苦儲蓄得來，當日從銀行中心離開時，直情感到全身乏力，腦袋一片空白。事後連日來失眠，一直不敢向家人和朋友訴苦，「筆錢係第二時返學要用，本身屋企環境唔係好好，唔想增加屋企負擔。」每提到被騙細節，她均眉頭深鎖，不斷自責，「好驚屋企人知，喺佢哋面前又要扮冇嘢，覺得好內疚。」
後悔幫人中伏
同樣因受騙而多晚徹夜難眠的小芳亦和應：「瞓吓醒吓，瞓吓醒吓，一諗到就好囉囉攣，諗起個經過會諗，點解唔走呀？點解唔撕爛份合約呀？」她自責愚蠢，後悔好心幫人，「唔會想再對人有同情心，想自己變得冷漠啲。」現時她必定提高警覺，不會再在街上做任何問卷調查。
事主Mary損失9,000元，稱讀書計劃也受影響，也許要再儲回學費，才可重返校園。她除了心痛損失積蓄，亦擔心若公開事件，會遭到S.M.L.職員報復，心理壓力極大，「一見到其他人想走埋嚟都驚囉，都唔會再一個人去旺角。」
無良的行騙手法，不但掏空同學們的積蓄，亦掏空年輕人對別人的善意。大專生吳同學稱，事件令他猶豫日後是否再可輕易幫助他人。他被騙後，才知S.M.L.職員曾遭檢控，消委會亦點名批評，惟S.M.L.仍以同一手法行騙，「好唔公義，我會話佢哋係有恃無恐。」