【本報訊】19年前，胡應湘在東南亞輸甩褲，本報當時專訪他，標題是四隻字「富貴浮雲」，招積本色不改。
「外母生日要慶祝」
如今公司走出陰霾多年，依舊一臉雲淡風輕，回想當年若果專注地產而非基建，他相信身家會「多兩個零」，但財富多少，他相信上天安排，「最緊要盡自己責任，對社會有責任。」
合和私有化後，除了努力不懈推動填海，閒來胡應湘就抱住鍛煉腦筋的心態賭馬，「唔會老人癡呆，輸咗錢就當做善事」。但見辦公室還擺放着工程帽，偶爾會到合和二期地盤視察，相信心血結晶始終難以放下。
胡應湘現時還要為兩名女兒事業出謀獻策；另一件世紀盛事，就是半年後與老婆郭秀萍慶祝金婚，「我同老婆49年6個月，如果唔記得，實被人扑。奉勸你幾個日子一定要記得：老婆生日、結婚紀念日同外母生日。外父唔緊要，外母生日我哋應該慶祝，所以（我哋）老人家好多橋」，惹得哄堂大笑。
訪問期間，胡應湘多次提到不在其位不謀其政，記者問：「會不會參與特首？」他耍手擰頭大笑：「梗係唔制。」