隻揪?食自己啦! - 陳也

隻揪?食自己啦! - 陳也

林鄭龜縮,柒不回應,劉細良說她會拖垮建制。建制契弟,最叻走數,個個都係葉劉,冇咁易翻艇。

但警隊唔一樣,林鄭再縮下去,警隊就算配合葉劉,搵個退休警官出來順利區參選,芝麻咁大的選區,都極有可能被年輕人的首投票活埋!而警隊裏頭,上至白恤衫下至毅進仔,壓力爆煲,由失驚無神叫「唔好搞我後面」升級至「認X住我隻揪呀!」在在顯示,警隊高層只顧入禮賓府跟老細歎英式西茶,中下層為了OT補水,只能跟示威者近距離磨擦,擦出的不是火花而係橡膠子彈。瞄準示威者頭顱開槍的差人,如果事後覺得好爽,對槍擊津津樂道,就證明差人相當接近魔警境界。魔警,20歲以下的年輕人google一下就搵到徐X X的名字。警界心魔,難以找到right word形容,而五年內兩度翻發,如果是心臟病,早就冚家拎!心魔還須心藥醫,但林鄭將警隊推到搶火的熱廚房爐頭,急需食藥兼降溫的警隊,精神唔錯亂至奇!林鄭在任短短兩年,強推送中惡法,左手把亞洲國際都會招牌塗污,右手把號稱Asia finest的警隊隊徽噴黑,真係好打得啊你,不要跟自己隻揪,食自己啦!