【本報訊】新加坡面積比香港少，人人卻安居樂業，組屋政策至今已助逾八成人上車，退休金可以供樓，他認為香港應該學習，更笑稱強積金（MPF）不少費用由基金經理抽取，政府應推行「咪畀錢中介」政策。
倡學星洲公積金供樓
香港政府近年曾研究新加坡公積金計劃（CPF），該計劃可用作供樓、醫療、退休，惟僱主及僱員每月供款率高達37%；而香港強積金僱主及僱員供款則僅10%。
胡應湘認為香港應學習，在出售資助房屋時，可提供優惠予上車客，「一視同仁方式，例如頭100呎至150呎免費，已經幫到好多人上樓。」並建議模仿新加坡公積金供樓，「香港強積金拎嚟供樓就得啦，電視都有話『借錢緊要還，咪畀錢中介』，現在幫你管理強積金嗰啲咪係中介，所以咪畀錢中介！」
除了填海，60至80年代香港曾出現乙種換地權益書，即以地換地，而非以現金換地，胡應湘回看仍覺有可取之處，「有人眼紅認為益晒地產商，但呢個世界無油就唔甩得鑊，梗係要畀啲着數。」他解釋政府可以市區地換農地，「譬如農地我收你5呎換2呎，其實就免費攞咗你60%，但你呢四成（市區地）一變就變咗做屋地，咁啲友都着數呀，沙田、屯門、荃灣係咁做出嚟嘅。」
強積金, 胡應湘