資深演員李兆基因肝癌擴散至肺部，於上月2日逝世，終年69歲。昨日遺孀邱巧貞在鑽石山殯儀館設靈，李兆基好友陳慎芝在場幫忙打點。現場有不少演藝界人士送上花牌致意，到場致祭的包括杜琪峯、韋家輝、黃秋生、劉偉強、徐錦江夫婦、海俊傑及羅家英等。
今早出殯火化
陳慎芝透露喪禮會以基督教儀式進行，已經請來三位牧師及20人唱詩班為李兆基送行。陳慎芝解釋喪禮延至昨日舉行，是因為李兆基在慈雲山出生，所以希望在附近的鑽石山殯儀館有空檔時才舉行。今日早上出殯，遺體將會移到鑽石山火葬場火化，骨灰安放在鑽石山火葬場骨灰龕。
陳慎芝談到李兆基臨走的情況時說：「基哥臨走之前都見佢好辛苦，我有拖住佢隻手同佢講要走就走喇，唔好咁辛苦，好多嘢都返唔到轉頭。」在場亦有不少街坊及江湖人士到場送別。遺孀邱巧貞在陳慎芝陪同下跟傳媒見面，她說：「多謝大家關心，心情都平復咗喇。」被問到為李兆基準備甚麼陪葬品時，她才如夢初醒，表示遺忘了。談到日後生活，陳慎芝代答：「努力生活！一定唔會再結婚嘅。」他又大讚李兆基是好出色的演員、監製、編劇，又懂寫歌。
讚為人有義氣
羅家英和徐錦江一起接受訪問，原來當年李兆基是二人的經理人，羅家英說：「我哋一齊簽咗畀王晶，佢搵咗基哥做我哋經理人。佢好照顧我哋，基哥好多嘢講，好多大道理，個人好，又有義氣。不過佢病咗之後都有三、四年冇見，好朋友一定有好多回憶。」海俊傑表示由陳慎芝介紹認識李兆基後，開始主力拍電影，他說：「之前喺電視見到佢好瘦，幸好佢加入咗基督教，我會為佢祈禱，佢以前係犯過錯，但係通過勇敢面對，叫年輕人唔好掂毒品。」
採訪：張俊銘
攝影：葉君海