自由黨榮譽主席田北俊日前公開發炮轟身兼行會成員的主席張宇人,批評張未有向特首林鄭月娥反對送中惡法立場,反而在6.9後第一時間發聲明力撐如期立法。
無勁人肯參選 換馬不容易
有專業界人士對季陶笑言,其實不少商界有頭有面人士,對一些工商黨議員表現頗有意見,「商界冇人會期望佢哋做反對派,但冇諗過班人完全聽晒西環、林鄭話,畀佢哋覺得呢班人似出賣多過保障商界利益」。
該專業界人士對季陶說,林鄭暫緩送中惡法,其不少商界有頭有面人士也鬆一口氣,他早前在一個酒會中遇到某相識多年大企業高層,雙方一談及反送中,對方即大罵一些工商黨議員「都唔知係代表商界定代表西環」,直言商界不會要他們反政府反中央,「但係去到送中咁大件事,係咪要着力啲向政府施壓?個個之前唔出力,西環一出聲就聽話,咁點代表商界?」又指「大劉」劉鑾雄不惜要自己出手打官司抗衡政府,「其實即係反映呢班商界議員做唔到嘢」。
不過即使有商界有頭有面人士,想另撐其他人代表商界入立會也不容易,該專業界人士笑言,有人脈向中央陳情、頂得住西環壓力的人,很多人有一定江湖地位,不會出來選議員自降身份;肯出來選的人又未必有直通中央關係,自然擋不住西環壓力,「即使有商界中人想在功能組別換馬,亦唔係咁易」 。
季陶
周一、三、五刊出