星期一非國盃16強，突尼西亞鬥四屆非國盃冠軍加納，雙方半場賽和0:0。換邊後，突尼西亞喺73分鐘由肯尼斯打破僵局領先，但喺完場前因烏龍波俾加納追平，雙方喺法定時間賽和1:1要打加時，但到加時兩隊都係冇入波，要以互射12碼決勝負。結果突尼西亞憑喺加時尾段入替嘅門將梅斯達柏做功臣，救到加納1球12碼，喺互射12碼以5:4勝出晉身8強。