上月初喺歐聯決賽闖入球場而成功出位嘅金髮索模禾蘭絲姬喺ig透露，原本同男朋友計劃喺星期日嘅美洲盃決賽再跑入球場，但最終事敗，再喺足球大賽決賽造成哄動嘅大計壽終正寢。禾蘭絲姬話︰「飛到巴西、喬裝兼搵到我哋嘅座位，但最後我哋俾廿個保安趕走。我哋家陣出咗獄，仲喺巴西享受緊。」禾蘭絲姬喺歐聯決賽着住性感泳衣闖入球場，宣傳佢男朋友嘅色情網站。