程美段醉酒爆喊紓壓

程美段醉酒爆喊紓壓

程美段和杜小喬昨日現身九龍灣一間電競餐廳,谷胸上陣的程美段品嚐餐廳內的本地手工啤酒,問到她飲得興起時會怎樣?她說:「有酒意時會不停講嘢,加上我係大嗓子,更加大聲。當醉酒時,會喊去發洩,可能好多時喺工作有壓力喺內心深層,自己唔為意,但飲醉就爆喊釋放出嚟,不過我好少飲到斷片。」

程美段以前試過跟男友爭打機,問會否接受男友愛打機?她說:「都好,大家有共同嗜好可以培養感情,同埋佢鍾意打機唔會諗其他嘢。」杜小喬近日忙於排練音樂劇,今次要唱歌、跳舞、彈結他及演戲,她說:「我唔識彈結他,𠵱家一有時間就練。」
採訪、攝影:馬建華