陳倩揚囡囡後日一歲生日，前日她在將軍澳為囡囡舉行生日會，陳敏之與囝囝、林盛斌一家都有出席。陳倩揚受訪時說：「我哋提早今日搞，就番假期，等其他小朋友同埋爹哋、媽咪可以玩得盡興啲。」問到送了甚麼禮物給囡囡？陳倩揚說：「我哋送咗一架多用途嘅單車畀妹妹，𠵱家可以當車仔咁推妹妹落街散步，可以推住佢追住哥哥一齊玩。」她還說哥哥有親自為妹妹準備禮物。