今屆《2019年度香港小姐競選》的15強佳麗，昨日登場，早上兵分兩路到又一城和銅鑼灣一間髮型屋轉造型換新妝，不過第15位候選佳麗古佩玲（Kelly）下午才到又一城，指大會安排她下午來到，但沒有安排為她整理頭髮，她說：「唔知原因，係公司安排，我冇其他合約衝突，自己喺多倫多大學讀緊media二年級。」而其他入圍的都是大熱門包括蔡嘉欣、黃嘉雯和馮盈盈師姐楊慧敏等。
蔡嘉欣、黃詠柔及楊穎彤最早去到又一城變髮，她們異口同聲說：「今日整頭唔知有冇得畀意見，一切都唔清楚。」蔡嘉欣身上傳有紋身，她賣關子說：「呢樣嘢留待大家喺泳裝環節留意。」吳岱融提名的姚羽嘉與江雨亭，比原定時間遲了20分鐘才到場，大會解釋二人因為要辦理簽證，所以遲了一點。
拍拖無礙參選
到下午約1時，眾佳麗變髮完畢再現身，23歲黃嘉雯只是髮尾比之前鬈了少許，但她滿意說：「本身我啲頭髮好厚好多，髮型師幫我逐啲偷薄，冇染顏色，我鍾意簡單同自然嘅髮型。」
對於早前被拍到與外籍男友等外賣，黃嘉雯直認已拍拖年多，有指其男友貌似「雷神」基斯咸斯禾夫（Chris Hemsworth），她笑說：「多謝，我話畀佢聽。」問到等外賣時，男友不停摸她的大髀，她強調並無此事，認為是角度問題，更坦言不擔心拍拖會影響參選港姐。她又大方談到跟男友的相識經過：「我有個朋友喺德國住，我去探朋友，所以識咗佢，但佢喺香港做嘢，不過佢係圈外人，畀啲空間佢。」是否結婚對象？她表示每次拍拖都有這個想法。
楊慧敏感滿意
馮盈盈師姐楊慧敏對新髮型感到滿意，問到有否自拍新造型給男友看？她說：「冇呀，費事啦！」她認為25歲拍拖很正常，不擔心會影響選港姐，又指男友很支持她：「佢有WhatsApp我，佢好支持我，佢都好興奮，因為覺得我好叻。」
採訪：黃曉妍、張俊銘
攝影：葉君海、陳慧安