根據游學修所講，近年流行的廢青有廣義和狹義，他屬前者的未有成就、未有成績，尤其是金錢上。他身兼三職自編、自導及自演、找來盧海鵬主演的劇集《仇老爺爺》，為爺孫版的《蝦仔爹哋》， 他要以幽默搞笑貼地方式闡述「廢青」和「仇老」。
游學修借一個爺爺去自編、自導及自演一個世代的矛盾，兩輩互相不理解，游學修說：「老人家覺得我哋好廢，叫我哋做廢青，有廢青之後有廢老這名詞，互相睇對方唔順眼睇唔起，構成這段爺孫關係。有時問題的確存在，唔係溝通就能解決到，好多時我哋唔設身處地去諗，我想喺戲劇世界實現一些唔可能嘅事。」游學修指廢青有廣義與狹義，「對同輩嚟講，我係廢青嘅代表人物，一諗後生演員、廢青，就諗起游學修，廢青代表未有成就、未有成績，尤其係金錢上，最現實金錢上定義，係冇錢冇樓就係廢青，好大膽、行得好前，憤世嫉俗係廢青廣義。廢青狹義係無所事事，唔知自己想點，匿喺屋企一事無成，冇貢獻、冇能力，廢柴嘅後生仔，我自問唔係。」
公開試鏡搵女友
廢青被人鬧之後，就靈活變通，游學修自嘲廢青是個反攻，很少聽到老人說自己是廢老。而他找Super Girls的陳穎欣（Yanny）飾演其女友，他解釋：「女友嘅角色係有公開試鏡，我心目中想個女仔係真女神，好貼地、了解男友、玩得，男友軟弱時可以得到佢扶持。好耐之前見識過Yanny喺網上放短片，佢外表不食人間煙火，其實佢幾玩得。」
帶出「仇老」議題
劇中飾演游學修爺爺的盧海鵬，帶出「仇老」議題，游學修指鵬哥是德高望重的前輩，他說：「廢老，自私自利，唔聽人講，自以為是，咁嘅老人家其實好討厭，盧海鵬能夠演活角色而唔令你討厭。」游學修更提到一場戲，鵬哥要對Yanny毛手毛腳，但又不可以令人反感，Yanny說：「大家都好專業，導演令我好安心做好呢場戲。」Yanny笑指在公開場合曾與鵬哥打招呼，但鵬哥似乎不認得她，Yanny說：「可能我化妝化得多，我話我係欣欣，佢話哦，𠵱家經過兩年，我再冇信心俾佢拒絕，我驚受打擊。」
撰文：張俊銘
攝影：仇志德
場地提供：桔梗
Yanny
化妝：King Yip of King's Makeup
髮型：Yan Kwok of HAiR
游學修
化妝：Yvonne Yeung