RubberBand昨日在赤柱出席音樂活動，唱出多首名曲鼓勵大家：「自己未來要自己守護，就算要衝或者面對壓力，都要輕鬆吓，我哋揀咗幾首歌令你哋鬆吓。」
早前RB將《天光了》譜新詞為7.1遊行巿民打氣，問到為何沒揀選來唱？6號說：「未練，年輕人需要關懷，首歌初心冇變，泥鯭以前教學生樂器，佢哋情緒唔好，佢自發作咗呢首歌，我哋配合，呢首歌價值超越時間，任何時間、事情可以用。」對於譚詠麟和鍾鎮濤上周日撐警惹來多人不滿，泥鯭指大家有言論自由：「每個人都有自己理由，撐左撐右都好，大家都畀對方發言，有言論自由。我同阿偉分別撐利物浦和祖雲達斯都可以做隊友。」
採訪：王連連
攝影：林賓尼