陳法拉未慣叫「老公」

陳法拉在5月中與法籍男友Emmanuel Straschnov在法國舉行婚禮，成為人妻後，法拉昨日首度在港現身，於銅鑼灣出席品牌活動，同場還有袁澧林、朱鑑然及吳肇軒等。雖然法拉昨日沒有戴上婚戒，但她的笑容已足夠印證新婚的喜悅。對於進入人生新一頁，法拉說：「一早習慣兩個人嘅生活，轉變唔大，但有時改唔到口叫男朋友，要叫老公。」

陳法拉表示老公好喜歡香港的生活，更笑說下次有機會會帶老公給大家認識。

享受二人世界

法拉表示婚後老公繼續在紐約工作，她自己則繼續香港、紐約兩邊走，她笑說：「下次有機會希望帶佢畀大家認識，佢好鍾意香港嘅生活，成日問我有冇機會返亞洲或香港工作，唔使安排佢都會跟住我過嚟。」

提到婚禮，法拉說：「只有屋企人和親友參加，好多都係自己準備功夫。」提到老公愛的宣言，法拉說：「佢預備咗一段中文說話，大約係會好照顧我，對我好好，令我好感動，我冇諗過佢會喺咁多人面前講，仲有用普通話講畀我爸爸媽媽聽。」至於生B計劃？法拉說：「冇咁快，唞吓先，享受二人世界，打算12月一齊去度蜜月。」
採訪：卓寶花
攝影：沈健程

（左起）朱鑑然、吳肇軒、張蔓莎、袁澧林、林家熙及胡卓希等新生代演員昨日一同出席活動。