編劇莊梅岩昨日在facebook開腔點名炮轟高志森，並指張國榮（哥哥）早年在電台亦曾開咪鬧高志森「揦鮓」。事源於94年，高志森想請哥哥拍《香江花月夜》，但當時哥哥已接拍電影《新夜半歌聲》，不過高志森以飯局為名，寫了一張支票給哥哥，稱以示誠意。哥哥表示在飯局礙於情面，暫且收下支票，打算擇日歸還。但不久高志森就向周刊爆料，指哥哥收錢不認賬，訪問還附有一張沒有mark死線的「300萬支票」。
事後哥哥在吳君如節目嬲爆回應：「係，我係有收過張支票，但我可以話畀你聽張支票都唔係300萬㖭。」君如即說：「同埋你真名都唔係叫張國榮。」哥哥同時道出另一破綻：「張國榮拍戲咁耐，係唔用張國榮個名去收支票嘅！咁點解要咁樣寫張假支票出嚟呃人？點解要咁揦鮓？」
撰文︰祖李