胡鴻鈞5月拍劇集《降魔的2.0》時從高處墮地受傷，出院後一直休息，昨日他到銅鑼灣出席活動，健康情況明顯好轉，頸部恢復靈活，他透露身體已回復狀態，前日再接受磁力共振檢查，正等檢查報告，期待全面復工。
至於受傷的一幕戲會否繼續拍攝？胡鴻鈞說：「我嘅戲未拍完，會等報告出先，受傷嗰幕要等監製決定。就算再吊威吔都冇乜大陰影，唔記得事發過程，但監製好好，話盡量唔會安排有威吔嘅戲畀我。」有指事發後公司要求胡鴻鈞封嘴，他說：「公司冇叫我唔好講，真係唔記得咗，出院時瘟瘟沌沌，唔清晰狀態，醫生話我意外前後思維都係正常，只係唔好太劇烈活動，休息多啲。」
採訪：卓寶花
攝影：沈健程