【財經專訪】網上搜尋「莊友堅」三字，前前後後總會出現「殼股玩家」、「細價股莊家」等形容。不過，當你面對面問莊友堅的莊家生涯，他劈頭就說，「『細價股玩家』呢個名唔馨香，香港所謂莊家，冚唪𧵓都冇教育！」對於「莊家」一詞，莊友堅斷言否認；論炒股心得，他這樣說：「要睇fundamental（基本因素）。」
記者：朱得志
今年65歲的莊友堅出身書香世家，於美國賓夕凡尼亞大學畢業。1985年回流香港，其後曾在信孚銀行做過banker。六年後傾全家之力出資300萬元，再與朋友集資3,000萬至4,000萬元，合組投資公司Capital Union，即後來的中南證券，為日後的「中南網絡」奠下基礎。
以女為喻反擊David Webb
提到中南網絡，莊友堅笑指，「David Webb我要多謝佢，多謝佢幫我改中南network呢個名。」中南網絡的確由Webb提出，並狠批莊友堅利用中南證券上市公司「做嘢」，包括未來世界金融（572）、茂宸集團（273）等32間相關公司。對此，莊友堅作出反擊，並以女人作比喻，「David Webb意思即係話，如果你同任何女仔行埋一齊，嗰條女就係你條女。如果條女係人妻，咁條女就一定係你情人，你哋偷食！」他表示，Webb妄作判斷，大呼「冤枉」。
講到對莊家的睇法，他自有一番見解，「（你要入行）你出身係冇錢嘅，邊個會幫襯你？邊個會搵你做顧問呢？你滙豐（005）會唔會搵我？長江（001）會唔會搵我？冇咁咪做細價股囉。」至於所有熱衷炒細價股的散戶，在莊友堅眼中，全部都屬同一類人：「師奶囉！儍佬囉！咪啲自認聰明嗰啲囉！」炒股票，有人贏，自然有人輸，他反問輸打贏要的散戶，「佢哋輸咗可以打邊個？冇人打」。
講得興起，他繼續反擊，「其實我哋有好多隻股票，啲人炒咗發咗達㗎喇……」話到嘴邊，想了一會，他才想起，「係喎……買我哋啲股票，唯一發達可能真係買咗136咋喎。」2015年莊友堅系內股份馬斯葛易手予恒大（3333）及騰訊（700），即現時市值135億元的恒騰網絡（136）。
做刁多年，多少總有幾隻自問是得意之作，但莊友堅輕輕反問，「市場有邊單刁係我做？冇啊！」然後一講就講到橫越太平洋的澳洲，指自己於當地收購一個農場，養牛養雞養馬，稱旗下馬匹Autumn Sun就是他得意之作，替他贏過澳洲5次Group One頭馬。
分享心得：投資要讀書
記者續問有否一招半式炒股心得可以分享，莊友堅就這樣說︰「投資要讀書，睇PE，睇PB，信chart就睇chart，再唔係就睇fundamental。」
講到資產部署，他強調現時持有的都不屬細價股，例如太和控股（718）及渝港國際（613），市值10億元以上。他表示，自己現時「唔炒細價股」，主力長線投資：將個人、家族及集團所有資金分成三等份。第一份用作投資物業，即使有短期上落，但長遠都會上升；第二份，買高息債券，例如中國恒大有約10厘息；第三份，放貸收息。
莊友堅出名樂於借錢出去，他認為借錢畀人是一盤生意，而不是做當舖。最近借出1.4億元予收藏家葛師科，雖然一度因葛師科中倫敦金騙局而逾期還款。但莊友堅未有將古玩抵押品變賣，最終亦順利連本帶利收回債項。借錢這盤生意亦為莊友堅帶來不少朋友及投資機會，但他笑說︰「繼續畀高息，有得收錢咪做好朋友囉。」
能夠叱吒股壇30年，莊友堅認為醒目重要，但精靈就高一個層次。所謂精靈，即要識睇眉頭眼額，觀言察色，「你夠運先撞到叻人，有啲聰明嘅人未必係叻，叻人未必有錢，你要識選擇聽邊啲，唔聽邊啲。」
兒子難以繼承自己生意
莊友堅畢業回流後，就與不少富豪打交道，86年在渣打（2888）工作時，開始負責湊大客，包括「大劉」劉鑾雄。他形容「我同大劉打工㗎咋」。他指大劉「精過我、叻過我」，更令他學懂一種財技，「佢教我咩叫供股囉。」
莊友堅在2015年與拍拖17年的維他奶（345）家族後人羅琪茵（Karen）結婚。提起5歲大兒子時，莊友堅笑言︰「佢就開心囉，我冇嘅嘢佢都有，鍾意做乜都得。」但他強調不能不讀好書。對於兒子應否走同一條路，他說︰「我條路係冇計呀。」而且他認為自己生意沒辦法讓兒子繼承，「因為我死咗之後，啲人咪唔識做。」
