【反送中】
【本報訊】7.1佔領立法會，為整場反送中運動立下里程碑，惟行動成效及正當性惹爭議。兩名目擊過程的示威者向《蘋果》表示，當時決心衝擊的人已非常絕望，「當我見到佢哋絕望到呢個點，我搵唔到理由去阻止佢哋」，但他們認為示威者有底線，就是不可傷害無辜市民及戰友，「否則我哋同呢個政權有乜分別？」有示威者坦言承受極大心理壓力，甚至開始出現幻覺，呼籲大家關心身邊人。
記者：陳建平
化名阿強和Stephy的兩名示威者見到記者時滿面倦容，坦言這段時間因擔心被警察拘捕，根本不敢回家，只能四處寄宿。
成日會發噩夢，夢見自己俾警察打同拘捕，抑鬱到覺得需要睇醫生求助。
Stephy說精神壓力很大，「成日會發噩夢，夢見自己俾警察打同拘捕，抑鬱到覺得需要睇醫生求助」，近日甚至出現幻覺，由於前線示威者以對講機溝通，她經常會聽到類似的幻覺聲音，「試過去酒樓飲茶，聽到侍應嘅對講機響起，又以為有人想同我講嘢」。她指身邊人的關心非常重要，希望大家多點關懷示威者。
外界對7.1佔領立法會行動有不少批評聲音，原以為兩名當日有份佔領的示威者會義無反顧支持，但原來他們最初都是阻止。負責「哨兵」角色的阿強表示，當天下午立法會內外佈滿警力，示威者人數卻很少，衝擊不是明智決定，他嘗試勸阻，「『兄弟爬山各有各做』唔等於『我睇住你死』，就算你鬧我係鬼係左膠都好，我都一定要阻止你送死」。不過當時衝擊者情緒高漲，有坐監甚至死亡的心理準備，「當你喺最前線見到示威者絕望到呢個點，我搵唔到理由去阻止佢哋，如果我仲阻佢，我係好唔尊重佢」，他慨嘆「大家都已經冇嘢可以輸」。結果香港歷史上首次佔領議會行動於回歸22年當天發生。
部份市民批評佔領事件是暴力衝擊，憂慮這場無大台的運動會越來越暴力及失控，兩人並不同意。阿強說當天行動只是破壞代表政權的建築物，並無傷害人，而且示威者拿汽水還會放低鈔票，「全世界有咁樣嘅暴徒咩？」被問到甚麼才是暴力，他稱若有示威者傷害其他示威者或普通市民，這就必然是暴力，他一定會割席，「你如果捉住個細路女，話林鄭唔見我，我就殺咗佢，咁樣係絕對不能接受」。Stephy亦反對示威者對記者或議員動武，底線是不可傷害無辜市民，「否則我哋同恐怖襲擊冇分別，同港共政權冇分別」。
冇得承受唔到（坐牢風險），總之我做緊啲我認為啱嘅嘢，對得住自己良心。
示威運動走到今天，兩人除每天拖着疲累的身軀，亦擔驚受怕隨時遭檢控，Stephy說：「我覺得係值得嘅，我唔會後悔。」正如當天她走入立法會是想保護其他同伴，「嗰時都唔諗得咁多，淨係知道要做咗先」。被問及是否承受到坐牢的風險，阿強慨嘆：「冇得承受唔到，唔到你揀，總之我做緊啲我認為啱嘅嘢，我唔係為私利，對得住自己良心」。如果有一天真的要走入監獄呢？「一定會唔開心，但我唔後悔」。