【本報訊】屯門龍床盤菁雋劈價促銷，資深投資者林一鳴認為，以前納米樓供應不多，大家只看示範單位，發展商不會在示位擺放正常住屋的所有傢俬及雜物，買家看完會感覺良好；但當真正入住，才發覺根本細到住不到。
納米樓租盤「人踩人」
林指出，近年納米樓供應太多，很多租不出，因為市場不是這麼多人鍾意租納米樓：「如果以一萬多元的租金，正常人寧願租一間三、四百呎、30年樓齡的兩房單位，都唔會租一間兩百呎的納米新樓。」
林續稱，買納米樓的人主要用作投資，或是父母畀錢、用子女的名字買入，但子女根本不會入去住。由於納米樓面積細，單位數量眾多，入伙後同一時間出現幾百個盤放租，將會出現「人踩人」的情況，業主互相鬥平減租。近半年入伙的納米盤，市場租金都較預期跌了三成。
最後，林揚言「菁雋跌三成我都唔會買」。
網民亦對龍床盤劈價議論紛紛，有人指：「住市區劏房好過啦」、「17萬我都唔要」、「買咗喊三聲，出年又跌幾成」。
不過，亦有網民撐菁雋抵買：「當180萬，首期兩成36萬，律師費當被AA回贈抵銷，印花稅100大元，月供5千幾蚊。」