【本報訊】連登「巴打」、上班族陳先生（化名）被指在連登一個有關如何對付速龍小隊的帖文上留言，內容提及外國抗爭手法會用汽油彈，即遭警方以「威脅會摧毀或損壞財產」罪被捕。他向《蘋果》強調留言完全沒有慫恿他人犯法，只是比較外國與香港抗爭手法大不同。他對被捕感無奈，自言從未踏進警署，批評警方散播「白色恐怖」，令一眾網民急着「剷post」，直斥：「是但搵個人祭旗，嚇吓人！」
警曾阻找律師
陳先生憶述昨晚約11時，四名便衣警持搜查令到其寓所，稱他涉在網上發表言論威脅他人財產，要求搜查家中的手機及電腦。他即透過Telegram群組找律師「求救」，卻遭警員阻撓，警員不准他拍下拘捕過程，並搶走其電話，「佢哋話唔好打電話呀，唔好㩒任何嘢，要即刻交部電話畀佢哋check，係證物嚟唔好搞」。警員讓他接聽了一次電話，最終成功聯絡上義務律師。
警員要求他將手機解鎖，他起初拒絕，但經不起警員游說而解鎖手機，「佢哋幾個一齊圍埋嚟，叫我拿拿聲畀佢哋睇一睇，合作少少就可以快啲完結，最後我都心軟開咗個鎖」。警員用相機拍下他的連登、facebook賬號和涉案留言內容，之後又要求他刪走手機密碼，他今次堅決拒絕。陳指留言已是6.12前留下，內容只是陳述外國示威手法與香港大有分別，完全沒威脅性，「警察咁樣嚟告我係唔合理」。他的手機已遭警方收起作證物。被問到會否被警方拘捕嚇怕？他想了一會，「留言就唔會，齋睇」。
警方准他保釋候查，下月初再回警署報到。他現仍馬不停蹄派發「反送中」及政府施政失誤的傳單，自言想法與大部份港人一樣，「和平遊行佢（政府）又唔聽，又逼到啲學生出嚟，想行動升級」。7.1有抗爭者衝入立會抗議，但政府仍視若無睹，批評林鄭「完全冇諗過改變，唔聽人講嘢」。
■記者蘇曉欣