已經退出補習界、曾經頗有名氣的英文補習導師范浩揚（K.Oten）近年是非多多，與前僱主對簿公堂後，最終因為未能償還賠款破產收場，而曾經在事業上助他的前妻、曾做模特兒的吳嘉欣（Cher）則指控要背負二人分開前開設的多間公司的數百萬元債務，還要獨力照顧兩名兒子。
現年37歲的吳嘉欣和K.Oten於06年結婚，育有分別8歲及6歲的兒子；雖然二人於2010年辦理離婚手續，惟當時未有正式分開，關係至去年才結束，夫妻分開了，仍要為二人所開設的公司債務奔波，她日前在新界住所接受《蘋果》訪問，愁爆表示目前為前夫負債數百萬：「淨係欠稅局嘅稅都200幾300萬，仲有幾間公司嘅錢，因為當時佢（K.Oten）破咗產，所以啲公司用咗我個名，啲債就係咁嚟。」
「大不了就破產」
對於前夫拿走公司名下的車不肯交還，最後報警求助才成功取回。重提這事，Cher仍十分勞氣：「車攞番之後，發現有9張罰單，有啲本來320元，但加到1,080元佢都唔交，有啲甚至要上庭㖭！」她表示對方搵了多人投資，之後又去銀行借錢，公司同事與她作擔保，令大家負上重債，而他更不斷向身邊人借錢。
問到有否聯絡前夫，Cher表示對方已「Block」她，最後一次是兩個月前，他與兩名兒子講是最後一次見面，因為要去遠的地方工作，以後不會再見，而Cher現在做保險、模特兒工作及開live做節目獨力養家，但她不會為減低生活開支，為兒子現在讀國際學校轉校，因為他們不識中文難以適應傳統小學節奏。提到孭巨債，兒子是支撐她的動力：「呢幾個星期都睇化咗好多，有諗過真係還唔到，大不了就破產，冇錢就食少啲，衫買少啲就OK，或者呢啲係因果，我前世欠咗佢，今世要還，咁諗會令自己舒服啲，嬲都冇用。」
前夫入稟追欠薪
問到會否覺得當年自己好蠢？Cher苦笑：「一定係！佢仲驚你唔死，踩多你幾腳，好似最近佢為咗撇清自己係公司老闆嘅身份，竟然去小額錢債追欠薪，話公司欠佢幾萬蚊，但其實以前公司嘅人，個個都知道佢先係真正嘅老闆。」
撰文：鄉奈仁
攝影：仇志德