話說前日示威者衝入立法會大樓後，睇見會議廳外掛住歷任主席畫像，示威者都識揀，刻意挑選立法會現任主席梁君彥、前主席曾鈺成和范徐麗泰掛喺牆上肖像畫塗污，仲拆埋落嚟係咁打。有人仲將畫放喺地上用腳踩面，之後仲喺牆寫上「奠」字，八方喺鏡頭前見到示威者打梁君彥幅畫最落力，攞起圍欄金屬柱，一下一下大力打落梁君彥個頭。不過港英時期前主席黃宏發和施偉賢嘅肖像，幾乎完好無缺。
梁君彥噚日返立會大樓視察，見到自己畫像俾人打到散晒，都冇乜表情，佢被問到係咪同佢工作表現不佳有關，梁君彥都拒絕回應，只係話自己冇所謂，又話油畫爛咗，亦都可以畫番張，不過梁君彥同時又話，對有油畫被毀感到傷心、心痛喎！
李八方