已故粵劇名伶新馬師曾遺孀、祥嫂洪金梅昨日離世，她為人知的除了與子女爭產外，還有是被多個演員包括張錦程、江欣燕和馬小靈模仿演出，韋家輝執導的喜劇《鬼馬狂想曲》，也找過蘇志威扮祥哥和劉小慧扮祥嫂。
江欣燕最似
江欣燕80年代多次於《歡樂今宵》及電影《整蠱專家》扮祥嫂，她昨日回應祥嫂病逝時說：「聽到呢個消息好突然，其實我同祥嫂唔熟，我只係扮過佢，我同兆尊都少見咗，最記得有次喺《歡樂滿東華》見到祥哥祥嫂，佢哋讚我扮得似。」
羊嫂最經典
張錦程90年代在《羊嫂與你》扮祥嫂大受歡迎，肥姐沈殿霞更笑到標尿。張錦程對於祥嫂離世，昨日回覆時表示希望祥嫂走得安詳，沒受病痛折磨：「當年因為發生鄧家爭產事件，《EYT》監製話不如扮祥嫂啦！我同兆尊好熟，當時有問過佢介唔介意，佢話冇嘢。」錦程又說：「兆尊同我講過，祥嫂其實係一個好可愛嘅人。」
馬小靈初現
馬小靈01年在《歡樂今宵》憑扮演祥嫂洪金梅為人認識，但之後星途未有突破而轉行。
