【本報訊】為查證事主Teresa（化名）的性侵指控，《蘋果》追尋32年前與她一同前往修院的周小姐（化名）。周小姐確認當年確有偕Teresa去修院見涉事神父L，雖然事發時她在門外，未有目擊或聽到聲響，但事件後幾日Teresa已向她表示「神父對佢唔規矩」、「神父做咗啲好唔應該做嘅嘢」；周亦見證Teresa事後情緒變差，經常致電她傾訴，更曾表示自殺未遂，「佢話瞇埋眼都會見到嗰晚嘅畫面」。
記者按Teresa提供資料，找到已十多年沒聯絡的周小姐，她在記者游說下接受訪問。周小姐表示自己和Teresa在教會認識，當年並不算稔熟；事發當日是Teresa約涉事神父L在修院見面，指「一個女仔唔係咁好」，遂着她陪同。
周小姐憶述當日她首次到訪修院，心情興奮，「好少機會去，好好奇，四周圍望」，未有留心二人傾談內容，過程中亦無察覺異樣。至傾談完畢，三人動身離開，周亦未為意二人落後，逕自走到大門，「嗰時已經好夜，我好心急想走」。
「打電話嚟 喊到講唔到嘢」
周小姐憶述等候期間，曾最少兩次回頭，惟因環境昏暗不敢走遠，「行幾步又返轉頭，企返喺門口等」，她記不清期間是否聽到聲響，並多次強調事隔已久，記憶模糊，「好似係冇乜聲，但覺得佢哋一路行一路傾偈好正常，冇特別為意」。
周最終在大門位置等候逾10分鐘方見二人步出，她之後和Teresa一同乘電車離開，其間Teresa未有透露被神父性侵。數日後Teresa才向她表示當晚「好唔開心」，指「神父對佢唔規矩」、「神父做咗啲好唔應該做嘅嘢」；但當她追問時，Teresa卻不願透露細節，僅指「我唔知點同你講」、「唔想講」等。
周坦言最初並未完全相信Teresa指控，惟其後數月，她發現Teresa情緒逐漸變得十分不穩定，經常致電她傾訴，「次次打電話嚟都講好耐，喊到講唔到嘢，每次都係因為神父唔開心」，更向她表示自殺未遂，「佢話自己瞇埋眼都會見到嗰晚嘅畫面」。Teresa翌年離港生活，一直沒再與周聯絡；直至2003年Teresa回港報案，周才與她重新聯絡並獲悉事情細節，「嗰時佢先可以完整咁講返成件事，冇喊」。
■記者趙雅婷