【本報訊】示威者衝擊立法會大樓期間，多名泛民立法會議員包括林卓廷、許智峯、鄺俊宇、張超雄、郭家麒、胡志偉、朱凱廸等，在立法會入口外攔着示威者的鐵籠車，希望游說示威者將鐵籠車後撤，暫緩衝擊行動，林卓廷一度跪地懇求示威者不要衝，但最終游說不果，反被示威者責罵拉走，混亂中梁耀忠跌倒輕傷。
示威者：你叫林鄭出嚟講！
其間，鄺俊宇嗌咪與示威者對話：「你攻入去做乜嘢呀，（立法會內）冇人冇官冇特首，你入去做乜……如果你衝，後面啲『和理非』（和平示威者）就出事啦，明唔明呀？」惟示威者反斥：「你哋立法會議員有乜用呀！你哋40幾席變番得20幾席……」鄺隨即激動說：「係啦，我哋立法會議員冇用啦，你話我冇用，我都要保護你，明唔明呀？」
林卓廷在旁跪求示威者：「我求吓你哋！」但領頭的示威者不為所動，甚至以紅色噴漆噴向他們及拉走眾人，並大喊：「和平仲有用咩，就算有300萬人又有用咩，已經死咗四個人（應是三人）啦。」
胡志偉勸示威者不要衝擊立法會：「你哋咁樣有乜用？」有示威者直言：「我哋就係要試，𠵱家死咗幾多個人呀！」胡再力勸：「你哋衝入去有乜用？」示威者大叫：「你叫林鄭出嚟講！」
毛孟靜在場一度行至示威人士前面勸告：「你哋衝入去，係會當成暴動，要坐10年㗎。」有示威人士表示：「我哋預咗俾人拉，交畀我哋啦。」更有示威人士情緒激動要求在場立法會議員離開，「畀我哋衝啦！」之後他們繼續衝擊立法會大樓，各議員只能黯然望着各人，無力阻攔。
■記者黃麗英、梁澤岡