【本報訊】公立醫院人手不足，內科及老人科病房更一直是重災區，在明愛醫院服務逾30年的黃慕蓮醫生表示，見證着醫院工作日益繁重，由每日巡房看10多個症，變成近年最多日看50個症，坦言曾想過逃到私營市場，但最終決定為道義留下，「每日同自己講係返緊最鍾意嘅工」。
黃指，在明愛醫院工作踏入第30年，由醫生做到部門主管，其間經歷過沙士及種種挑戰，最深刻的除了疫症期間人人自危，還有當時部門主管的親力親為，「佢放工會去鴨寮街幫手買張凳仔，事無大小都一手包辦……有時做嘢係要親身落水，唔應該出事之後先救火」。
當下公院燃眉之急，自是人手緊絀問題，黃坦言工作量近年確實大增，由數年前可能平均每日看18至23個症，到現時平均要看26個症，「高峯試過一日睇咗50個症，返到屋企完全唔想講嘢」。她笑言經常要自我打氣，「當初做醫生就係想幫人、幫自己同埋賺到錢」。
「時局難改變 嘗試調解情緒」
黃說面對病人或家屬的無理投訴時，難免也試過灰心想離開，惟最終還是因為不捨團隊和病人留下，「大時局靠一己之力好難改變……我𠵱家睇症會問多幾句，嘗試當下就調解佢嘅情緒，否則今日報紙見到一單跳樓新聞，下個月佢﹙死者家屬﹚可能就變成你嘅病人」。
■記者王春怡
想輕輕鬆鬆健康啲，記住留意健康蘋台
http://health.appledaily.com.hk/