星星兔出道已經八年，但一直未有現真身，多年來以口罩掩面，神秘勇闖樂壇，卻成功打入日本市場，與日本唱片公司簽約。神神秘秘的星星兔，除了做音樂，她最大夢想是其他衍生業務產品，希望做到Hello Kitty或Harry Potter般成功，可以有小說、電影和動畫。
星星兔最近為宣傳新歌《一啖兩啖》，日前在觀塘接受訪問，全程以口罩示人，無論如何旁敲側擊，她都保持一貫神秘作風，連今年幾歲，她都只說：「八歲囉，星星兔出道八年嘛。」自2011年首次於網上登場，星星兔坦言原意只是想玩一下：「其實都諗住係一次性，想玩首一歌十唱。當時真係純粹想share呢個音樂，冇諗過要畀人知我係邊個，於是有個設計師朋友幫我做咗呢個星星頭套用嚟拍MV。」
赴台碰釘
畢竟網絡世界發達，星星兔第一個着陸地是台灣，她說：「估唔到條片hit到去台灣，2012年已經簽過日本經理人公司，但係好慘，佢哋搵唔到唱片公司幫我出歌。終於今年簽到日本吉本興業公司，佢哋仲安排我嘅歌喺日本便利店播放，每個月都會換一首新歌。」
星星兔坦言除音樂外，還有很多衍生業務，她說：「我哋叫嗰啲做授權業務，會推出唔同嘅星星兔產品，我最想有日星星兔可以做到Hello Kitty、Harry Potter咁，可以有小說、電影同動畫。其實我哋做授權業務都係一個意外，當時自己係想喺出碟嗰陣，做一個product回饋歌迷，之後就開始有人問我授權。」
真樣示人
人總是有好奇心，提到很多人會聯想起同樣是蒙面出道的龍小菌，問到會否考慮以真面目示人？星星兔說：「我