【本報訊】一向關心香港社會政事的藝人王宗堯（圖），昨下午4時多於銅鑼灣接受訪問，被問到上街目的，王宗堯說：「今日都係繼續嚟支持，因為7.1啦，同埋都想繼續喺大家嘅一分子裏面。」
蘇玉華潘燦良拖手現身
談到有甚麼訴求，「唔識講，由有訴求變咗冇訴求，（政府）都係唔會聽㗎啦，𠵱家我哋唯一可以做嘅，就係自己做自己可以做嘅嘢，每樣嘢都要試吓，我哋繼續將香港發生嘅事話畀國際聽。所以我覺得媒體、有影響力或者有機會發聲嘅人，盡量用自己能力去將呢件事話畀國際聽，始終香港係國際大城市之一。我見我哋大家有將我哋嘅新聞或者訊息喺國際報紙上攞到版面，好值得鼓舞。」
提到樂壇「校長」譚詠麟、梁家輝及鍾鎮濤前日出席撐警活動，王宗堯說：「我覺得每個人都有每個人選擇啦，人各有志大家政見唔同，唔需要再喺呢件事上斟酌，佢有佢撐嘅，我哋有我哋繼續九唔搭八，冇乜所謂。」演員蘇玉華和男友潘燦良昨日都有拖手現身銅鑼灣，太極成員劉賢德亦在遊行隊伍中高舉相機拍攝。
■記者羅慧敏、馬建華