現年36歲梁靖琪（Toby）於14年與有米老公黃敏豪離婚，去年被爆有新戀情，與細8年、任職財富管理的圈外男友施雋賢（Jon）相戀。二人拍拖近兩年，上月入紙申請註冊，Toby昨日在Ig宣佈已婚，貼出一張身穿婚紗，與老公Jon情深對望的合照，並以英文寫上：「我嫁給了一生最愛，愛情從來不是一種關係，是聯繫下去，如河流細水長流，永不休止。」《蘋果》昨日聯絡Toby父親梁家樹，他對女兒再婚說：「女兒找到好歸宿，自己當然係感動同開心。」
古仔賀新人
由於Jon是圈外人，二人婚禮低調進行，大前日在雙方家長及過百名親友的見證下，於教堂行禮及進行簽字儀式，晚上在酒店舉行婚宴。Toby的圈中「七魔女」閨密湯盈盈、周家蔚、鍾麗淇充當姊妹團，文頌嫻、姚樂怡、古天樂、歐陽震華夫婦和郭政鴻等也有到場恭賀一對新人。據現場友人指，Jon在婚宴上向老婆及其家人作感人愛的宣言，Toby感動流淚，她表示多謝親友保密。
提到在台上感動爆喊，Toby昨日說：「我同老公向到賀嘅人道謝，但我事前唔知道佢會講一啲touching嘢，當我聽到佢向我同我父母承諾會愛我forever，照顧一生一世，我就喊到儍咗，姊妹屋企人都有喊，同埋我同老公都係教徒，所以喺教堂行禮，感覺好神聖、莊嚴又浪漫，大家唔係只係簽字，係喺神父見證下，我同老公都特別感動。」問到造人大計，Jon好喜歡小朋友，父母又恨抱孫，Toby笑說：「希望目標兩個啦！」
姊妹團感動
問到姊妹團只得三人，Toby說：「我冇偏心㗎，畀佢哋自己揀，睇吓邊個有時間可以全日陪住我，好可惜就係阿佘（佘詩曼）因為唔喺香港，要開工嚟唔到。」阿佘昨日就回覆說：「佢哋兩個好有夫婦相，一定幸福快樂。」作為姊妹的周家蔚回覆《蘋果》時，她表示送上人情：「太感動，喊得好犀利，因為佢哋兩個好sweet，好開心。」鍾麗淇就稱當晚在台上有份說賀詞作為禮物：「非常感動，佢哋好登對。」湯盈盈就以英文回覆：「我見到她爸爸與她步入教堂已喊了。」
採訪：皓騫、鍾國仁、唐琛悠