袁彌明一直支持反惡法，上月兩次大遊行都見到她的蹤影，上月12日更響應罷市行動，旗下10間分店均罷工罷市。特首林鄭月娥上月18日開記者會後，袁彌明已鬧爆：「冇人會收貨，多此一舉，佢係幫緊7.1遊行吹雞！」
袁彌明昨日接受《蘋果》訪問，表示決定再上街支持今日的7.1大遊行，她以短訊回覆：「林鄭因為面子問題死不撤回，令學生同年輕人對政府心死，對未來絕望，甚至以死控訴。呢個政府到底想逼死幾多人先肯罷休？特區政府同中共殺人政權已經冇分別。香港人仲有僅餘的示威自由，我哋必須要珍惜和運用。他日可能連遊行機會都冇！要為升旗禮要封鎖灣仔，已經失去管治威信，林鄭話自己唔會死，我就話佢唔死都冇用。」
採訪：陳杰