香港人近年愛出海，除了富豪和船會備有私人遊艇外，一般人租船可經代理安排。現時市場上主要分兩類船，第一類在維港上落客，多屬西式遊艇，船租只包船和工作人員，不包快艇、食物和玩樂設施。第二類集中於西貢區，大部份屬中式遊艇，船租已包快艇、食物和水上活動設施，由於這類船比較舊，加上同區競爭大，所以價錢相對較低。
擬添新遊艇
何柏奇指經營遊艇初期有點迷惘，但很快已找到定位，「租船業行頭窄，極少新人入行，舊船主好多都做咗幾十年，我哋嘅優勢係年輕，容易同後生客或外籍客溝通；加上市場上多大型遊艇，我哋反而吸納到一批人數唔多，但鍾意出海玩，靜靜地傾偈、飲酒嘅客。」
與何柏奇合作多時的代理，知道他們辭去長工入行，都對他們特別關照，「好多代理知道我哋可以傾，好似最近有代理話，如果夜晚做到為十個以內嘅客人蒸海鮮，對出夜船有好大幫助。我哋就去搵地方攞海鮮，自己喺船上蒸埋。現在嘅生活同打工好唔同，有好多嘢要顧及，但亦好玩好多。」至於未來目標，何柏奇說：「叉得隻腳落嚟，就唔會只買得一隻遊艇，我哋預計呢隻三年內回本，之後會繼續買第二、第三隻。」