【本報訊】反送中浪潮席捲全城，為確保7.1升旗禮不受阻，政府下令灣仔會展周日封館，家居博覽及寵物展被迫提早周六結束。有參展商斥政府驚弓之鳥，「遊行、升旗禮都係星期一，有冇咁嘅需要咁大陣仗呀？」主辦兩展覽的機構已委託律師向會展及政府追討賠償。
最少損失近10萬生意額
受影響的寵物展參展商黃小姐直言，為展覽籌備多時，三天展期場租約3萬多元，提早結束最少損失8、9萬元生意額，「星期日生意係最好嘅一日，最少損失8、9萬生意額，仲未計其他損失」。她說：「4、5點先收到消息話只可以做埋今日（上周六），嗰吓好突然，我哋冇咗一日展期，係咪畀兩日租呢？但我哋𠵱家連租金都未必攞得番」。她批評，政府以安全理由封場，「第一日展覽已經好多警察、警車，遊行、升旗禮係星期一（今日），有冇咁嘅需要咁大陣仗呀？個展又唔係有咩示威，好平靜……我唔明係乜嘢安全理由，到底有乜嘢唔安全？」
主辦兩展覽的展覽集團發言人黃大鈞稱，大會損失約四成門票收益。該集團昨發新聞稿重申，對展期突被取消感非常無奈及失望，令各參展商及集團蒙受極大損失，已去信會展，要求會展及政府相關部門洽商主辦機構及參展商的補償，並委託律師追討。就網上傳言指「取消第三日展期涉及天災」，大會澄清從沒對外聲稱取消第三日展期是涉天災。
■記者譚靜雯