英國傳媒報道，車路士喺球會官方app度，意外洩露已正式簽入皇家馬德里嘅克羅地亞球星高華錫。
上季由皇馬外借至車仔嘅高華錫，預計即將永久轉會至史丹福橋。雖然車仔仲未官宣，但球會app嘅一篇訪問就意外宣佈高華錫已正式加盟車仔，佢仲話︰「我好開心留喺度，對成為車仔球員感到好自豪。」另外，由於車仔被罰未來一年都冇得買人，要求除非馬德里體育會畀5,000萬鎊（約4.96億港元），買斷原本外借到2020年夏天艾華路莫拉達（小圖），唔係就會終止佢嘅租借條款。
至於車仔下任領隊大熱嘅林柏特因為未能同車仔達成協議，所以佢會喺下星期一參加打比郡嘅季前操練，但同時亦會繼續同車仔洽談過檔一事。