【反送中】
【本報訊】反送中遊行激發200萬人上街，重創特區管治威信，但整批問責官員至今無一人需問責下台。不過，全國港澳研究會副會長劉兆佳接受電台訪問時表示，管治班子難免有人事變動，建制派立法會議員謝偉俊亦指政府可考慮換班，以平息民憤。另一建制派議員田北辰更促請特首林鄭月娥重啟政改，即使是有篩選的普選也沒問題。
記者：許偉賢 姚國雄
劉兆佳接受商台專訪時指，對中央而言，特首是維護國家安全、保障一國兩制的重要職位，中央一定會繼續支持，但他不排除管治班子會有人事變動，以強化政府在市民心目中的形象和地位。
謝偉俊亦在受訪時稱，今後或要改變建制派總是給人事事支持政府的觀感，又認為政府可考慮換班平息民憤：「西方形式嘅民主制度多多少少都由（政府）改組嚟卸咁啲力度。」不過工聯會麥美娟則覺得即使由官員下台「祭旗」，都未必為市民所接受：「呢個時候穩定勝於一切。」
田北辰：特首要懂妥協
實政圓桌立法會議員田北辰接受《蘋果》訪問時表示，今次《逃犯條例》修訂，風波應驗「梅菲定律（Murphy's Law）」，「可以出錯嘅（環節）都出錯」，強調執政者必須明白妥協的藝術，在不同意見中取得共識，「當然最重要係嗰個人肯唔肯聽意見……佢（林鄭）個初心可能係錯，點解要綑綁埋台灣殺人案？跟住你畀個保安局局長（李家超）去推銷，完全唔識法律嘅，律政司畀乜佢就照噏，咪好似錄音機咁一直播。個律政司司長呢又唔見人嘅，神龍見首不見尾」。
田北辰指，回歸後四任特首全非政治家，未接受過選舉洗禮，不理解政治是門妥協的藝術，「唔啱就傾到啱」。
田北辰以林鄭早前硬銷的三隧分流方案為例，理應向各持份者尋求最大共識，但當局終在「一係要、一係唔要」態度下撤回，強調一些「精英」通常會有「放唔低面子、落唔到台」的問題。田未如外間般以「剛愎自用」形容林鄭，但指若連考第四都會哭的人肯定是完美主義者，直言世事豈能盡如人意，「就算話道理喺你嗰邊，都唔係樣樣都開你嗰瓣㗎嘛！」
「無票點解要信你？」
田北辰認為林鄭餘下任期必須重拾市民信心，「令人相信佢照顧到一國時又同時顧及兩制」。他指市民、尤其年輕人對特首的不信任源於「無票」，「點解我要信你啲承諾？我又冇份選你」，指林鄭應向中央爭取重啟政改，彌補錯失。
田北辰相信，中央修改8.31框架機會不大，但認為框架下參選人經篩選後仍要面對不同階層市民，「決定權始終係畀咗市民，唔係我哋一小撮人（特首選委會）去揀」，認為不少人或覺得「情願提名幾個畀我揀好過今日咁完全無得揀」，重申這也是向普選特首行前一小步，深信「如果要人相信特首係會為香港人把關，香港人一定要有份選佢出嚟」。