菊梓喬昨日現身維園參加香港回歸音樂嘉年華，大會最初稱有韓星Rain任壓軸嘉賓，不過因病缺席。同場演出的張敬軒和周興哲表示不接受訪問，而抱病上陣的菊梓喬受訪時，全程封嘴交由公司代表發言：「26號做完演唱會冷親失聲、喉嚨痛，要打開聲針，需要休息幾日，但唔影響8月演唱會，冇阻礙綵排。」問到是否失望？她點頭，身旁同事代其表示：「都會照上台，用手語向大家致歉。7月1號會如常參加紅館個騷，大家本來喺後台研究過好唔好照上台唱，但擔心影響七一當日水準，都係決定休息養聲。」菊梓喬就以超微弱聲線說：「對唔住。」
鞠躬道歉
原定6時15分上台演出三十分鐘的菊梓喬，與大會商議後延至7時25分才上台，她眼紅紅以咪嘴形式唱《鋼鐵有淚》，其間更三度鞠躬向觀眾致歉。獻唱完第一首歌後，她沙聲說：「大家好嗎？今日好抱歉，唱唔到歌畀大家聽，希望喺台上同大家一齊。」第二首歌完結後再表示：「好想可以唱歌，喺咁大嘅舞台上，真係對唔住。」到第三首歌後她再道歉，哽咽說：「大家可唔可以繼續同我完成埋個表演。」一連咪嘴五首歌後，她說：「大家未聽過咁樣嘅音樂會，我都係第一次。」之後由工作人員為菊梓喬解釋：「佢好唔舒服，患上感冒，但佢嘅專業唔想令大家失望，用咗特別嘅演繹方式，大家畀啲掌聲佢。」
自願上台
菊梓喬演出後再受訪，她點頭承認此演繹方式令自己很感動落淚，又指上台咪嘴，因自己好內疚，並強調自願上台演出，至於為何爭議逾一小時，她表示不知道。
採訪：卓寶花
攝影：林賓尼