因為涉嫌網上性騷擾被逐出國家隊嘅埃及中場安亞華達，上周五突然俾埃及重召歸隊，有指原因係陣中頭號球星、效力利物浦嘅穆罕默德沙拿同隊友一齊施壓，逼足總重召佢返嚟。據報沙拿等隊友都有微言，艾穆罕默迪喺上周四入波之後做出「22」嘅手勢，即係安亞華達個波衫號碼。至於沙拿嘅球會隊友拿比基達就喺代表幾內亞對尼日利亞場波再次受傷，可能要養傷一段時間。