溫碧霞將於下月中的書展推出寫真集《海潮》，昨日在慈善拍賣晚會上率先捐出80本拍賣。她早前應《蘋果動新聞》邀請拍攝微電影《海潮人生》，現已於果燃台獨家首播。她透露小時候曾經被母親背叛，令她失去安全感，直至遇到丈夫何祖光：「填補咗我失去嗰份愛。」
撰文：鍾國仁
攝影：郭賢興
「當你去到海邊，見到波浪，就感覺到人生其實有好多高高低低。」
海，對現年52歲的溫碧霞而言，有一份特別意義，除了因為在經典電視劇《火玫瑰》飾演「海潮」，海亦好像記載了其高低起伏的人生，她說：「好多時我都想去海邊，因為會諗起好多以前嘅嘢……」
溫碧霞童年住在近海的調景嶺木屋區，父親是國民黨軍人，打仗時逃到香港，她在家中排行第八，對上有四兄三姊，一家十口困在狹窄的木屋，生活艱難但也有快樂時光：「媽咪買餸會買我最鍾意食嘅栗子，以前屋企好少機會可以食雞，哥哥每次都會夾隻雞髀畀我。」
對人失安全感
不過，溫碧霞承認貧窮回憶中，很多都是痛苦且沉重，例如5、6歲時便初嘗被背叛之痛，間接影響她的性格。她說：「記得有次媽咪帶我出街見一個叔叔，話叔叔環境好好，會照顧得我好好，就叫我跟佢走。我好驚，捉住媽咪係咁喊。個叔叔好好，佢畀咗筆錢我媽咪，叫佢帶我返屋企。」這段不快經歷，令她覺得金錢非常重要，矢志要賺錢去改善家人的居住環境，但同時對人失去了安全感：「我知道原來感情唔可靠，家庭又唔可靠，我細個嘅時候係唔相信婚姻。」
改變自私性格
然而，溫碧霞也有渴望被愛的時候，只是對婚姻的疑惑未有改變，直至命中注定遇上丈夫何祖光，她說：「95年，我爸爸離開咗，但喺第二年，又出現咗個對我好好嘅人，填補咗我失去嗰份愛。」丈夫的出現，令她走出低谷，更改變了她的自私性格，「我由細到大都唔係好識得諗人哋嘅感受，識咗佢之後，先發現原來你多啲為人着想，令人開心，自己都可以好開心。」
溫碧霞夫婦在八年前收養了兒子Xavier，決意將這份愛傳揚開去，她說：「我覺得好amazing係，你可以令到一個小朋友有一個完整嘅家庭，而你同佢相處，親生唔親生係一樣，都有發自內心嗰份愛喺度。」
