曾婆婆上世紀60年代為逃避越戰來港，不久認識已故丈夫，現長居狹小的樓梯間，原因之一是守護埋在垃圾堆中丈夫的遺物，包括他珍藏的大量郵票簿和書籍。每當談到相知相愛40載的他，她都忍不住哽咽：「雖然佢已經離開，但我知道佢時刻喺我身邊，我成日夢見佢。」現時身邊少了個人，她不再敢單獨到圖書館看書，亦食之無味，「好懷念佢，好幸福，亦都好不幸，如果我同佢感情唔好，走咗咪走咗囉。點樣我都唔會忘記佢，咁咪好痛苦囉……」
相愛43年從未吵架
1967年，曾婆婆由胡志明市逃難到港，懂中文的她在尖沙嘴一間小學獲聘為教師。不久她在謝師宴邂逅在中學部任教、比她年長八歲的黃伯，二人一拍即合，黃伯常駕車載她到全港各處遊玩，拍拖之餘認識香港。結婚後，夫妻薪水加起來有2,000元，省吃儉用，1984年終以約80萬元，購入灣仔單位，「以前一碗雲吞麵只係個半，一碟飯個九，我哋非常慳，買到單位嗰時摸住幅牆喊。」外人眼中的垃圾屋，是她與黃伯的寶物。
曾婆婆娓娓道來與黃伯的過去，「我同佢43年，到佢走嗰陣，未嗌過一次交，我好自豪遇上一個好好嘅丈夫。」當談到偕黃伯到維園看花、相伴到圖書館閱讀、依偎在電車看風景時，曾婆婆眼裏總閃爍着光采，「我先生睇起嚟係福相，應該比我長命，我好高興佢可以保護我直到去世。」
黃伯2011年在家中暈倒後離世，昔日二人不時在家中「撐枱腳」，「𠵱家佢已經離開，我煮都係煮一人份，望向旁邊空無一人，我冇心機食。」日前去醫院檢查，她體重下降兩磅，醫生着她多吃才有體力。她向記者無奈道，黃伯離開後變得食而無味：「我本來都好為食，但當佢一走咗，我食咩都一樣味道，畀鮑魚我食都係咁嘅味道，畀麵包我食都係咁嘅味道……所以我食唔食都無所謂。」
黃伯以往會帶曾婆婆遊歷他成長的沙田區，現時他骨灰長埋沙田西林寺，「以前同佢並肩同行，幾遠都唔怕，𠵱家雖然係同一條路，對我嚟講非常遙遠……」
■記者盧藹雯、周子惇