李亞男昨日現身九龍灣出席親子體驗活動，她產後極速回復纖瘦身形，原來有營養師幫忙：「個餐單有飯食又唔會餓，𠵱家減咗20磅，都回復番未生之前咁。」囡囡王天韻已半歲，李亞男笑說囡囡比同齡小朋友高：「得到我遺傳，我啲基因贏咗。」
李亞男又表示囡囡喜歡看書：「我日日喺屋企扮貓、扮狗、扮牛，要好誇張、好生動先吸引到佢。」問到丈夫王祖藍會扮甚麼𠱁囡囡？李亞男說：「佢好渣，平時扮少少嘢都𠱁到觀眾，但對住個女要施展渾身解數，阿女先笑一下。佢比較忙，所以少啲時間對住個女，有時收工阿女返嚟又瞓咗，都唔忍心叫醒佢，但係半夜餵奶，佢會幫手。」至於早前王祖藍「被遊行」，她表示不清楚：「好耐冇八卦。」
採訪：盧妹
攝影：沈健程
