陳庭欣、陳百祥（叻哥）、黃德斌和梁釗峰前晚到灣仔出席慈善晚會，同場還有周焯華太太陳慧玲（洗米嫂）。陳庭欣笑指曾經好驚叻哥，因被對方窒過，今次一同擔任司儀，兩人受訪時，獲叻哥大讚是最靚最醒的拍檔，又指她keep到筍盤。
提到男友楊振源（Benny）最近與友人合資開綜合健身、中醫、物理治療、美容和按摩的會館，陳庭欣會擔任代言人，她透露其酬勞是公司員工價加少少朋友價。此外，叻哥提到日前出席「殼王」陳國強兒子陳耀麟婚宴說：「老友兩夫妻同黃杏秀係同學，佢個仔呢，由細睇到大，𠵱家見到佢結婚，好似自己娶新抱咁，好開心，佢太太係香港人。」
採訪：羅慧敏
攝影：陳俊強