國家主席習近平就快去日本開G20峯會，由於中美領導人會喺大阪見面傾貿易戰，再加埋香港反送中抗議、警方武力鎮壓示威者畫面上晒國際媒體頭條，部份出席G20峯會國家嘅民眾同國會議員都要求佢哋領袖同習反映香港問題，搞到北京高度神經緊張，打晒開口牌唔畀人講香港，又有外媒報道北京要日本加強保安，唔可以令習遇到尷尬嘢，唔知包唔包禁止小熊維尼？
G20峯會期間，位於大阪天王寺嘅Abeno Harukas美術館搞緊小熊維尼作品展，仲要剛剛好開到今個月底，雖然呢個可能純屬巧合，但亦可能有人會覺得影射習近平，如果喺大陸發生，個展覽估計一早俾強力部門禁咗啦！其實如果習近平有興趣，不妨去睇睇唔同嘅小熊維尼，不過受峯會影響，美術館部份樓層臨時關閉，亦會提早休館。