西環契弟團一如既往，抹黑反送中過百萬市民搞「顏色革命」，速龍警隊配合，喝極都要示範：黑！黑！黑！教個初生B女唔好辨識黃色的容海恩議員，還要為「黑警革命」推波助瀾，拒絕獨立調查，等於終極屈警，不讓淺黑的灰警漂白！容海恩個女，長大後被黑警「自由西」，膽敢以「麥美娟」回應的話，食硬橡膠子彈（黑警管治，武力鎮壓，射程範圍，包括瞄準容氏兩母女個頭）！黑警顏色革命成功，到時容海恩瞪眼痛哭，黑警唔遞廁紙還兇佢：「喊？正一風土病！」
射頭冇犯法的話，使乜驚獨立調查？612指示下屬向胡志偉身後開槍的指揮官陶輝，在警總被圍當晚不肯回應記者。硬食盧偉聰死貓的陶輝，雖然係鬼佬，大概知道林鄭月娥已經自動失效，被建制冠名「林鄭下台」。自己的退休長俸隨時渣都冇，個位俾解放軍取代埋。兩害取其輕，盡快找門路澄清，大呼「我係替死鬼」！既然大家姓陶，上去陶傑或者陶君行的電台節目申冤，平反黑警，靠你！