楊千嬅前晚演出世界巡演澳門站，甫出場就一口氣唱出多首歌迷熟悉的作品。今次囝囝Torres、千嬅的媽媽和奶奶均有現身支持，兼任監製的老公丁子高則全程在控制台看千嬅演出。完騷後千嬅受訪時表示，下月會陪Torres放暑假休息一個月，她覺得Torres真的大個仔了：「佢會幫婆婆拉凳，又會照顧身邊人，今日晏晝仲識叫我good show，聽到我差啲喊出嚟。」
提到千嬅日前在社交網為一名反對《逃犯條例》修訂的男子在金鐘墮樓身亡致哀的圖片突然消失，千嬅說：「呢件事唔仔細回應喇，由始至終我都係嗰個楊千嬅，明白我嘅人就會明白。」對於不明白的人，她希望以後可以證明：「我相信時間可以證明好多嘢。」至於被狠批，她說：「人生面對唔同嘅嘢，希望每個人活出更好嘅自己，平時點處理就點處理。」以往勇字行頭，今次她解釋：「其實冇甩過，每次遇到唔同嘅事擺喺唔同位置。」
採訪、攝影：曾小嘉