【本報訊】警方6.12以過度武力清場，地區組織「社區前進」昨舉行民間反送中警權論壇，促請各界追究警方不適當武力行為。
香港人權監察發言人葉寬柔批評，警隊高層包庇速龍小隊隱瞞警員編號，怒斥警方：「點解可以咁無恥？」她指監警會制度無法全面檢視警方是否在足夠指引下使用適當武力，促請盡快成立獨立調查委員會，徹查濫權警員，「我哋唔可以再放生濫用武力嘅警察！」葉寬柔指市民到投訴警察課投訴，等同「警察查番警察」，她以一名《明報》記者於旺角衝突期間被警員圍毆的案件為例，最後因沒充份理據確定被投訴警員身份，所以投訴不果。
無法辨身份致投訴無門
葉寬柔直言，「警員之間日對夜對，會唔認得係邊個警察？林鄭話監警會行之有效，我都唔知笑好定喊好」。她又批評警方，過往既然曾發生因無法辨別警員身份導致市民投訴無門，為何今次仍容許速龍小隊隱瞞警員編號。
6.12示威者金鷹指，速龍小隊任意隱瞞編號等行為，反映警隊紀律鬆散，「連阿sir都隻眼開隻眼閉！李家超竟然仲包庇話係制服設計問題！」金鷹強調示威者應繼續狙擊政府對衝突定性的說法，因說法是控告濫權警員的重要理據，「盧偉聰話冇講過係暴動，咁警方當時職務只係趕人上返行人路，但出現咗咁多暴力行為，已經唔係執行職務，係施暴！絕對可以告得入！」
■記者林凱潼