陳慎芝昨日到銅鑼灣出席電影《漫長的告別》首映，問到有關故友李兆基的後事安排，陳慎芝先代基哥家人感謝關心，他說：「因為個爐嘅日子未定，所以我哋暫時book咗7月5或者9號舉行儀式，會喺鑽石山搞，希望基哥嘅朋友都可以嚟。」他指基哥太太心情已平復，直言早有心理準備，又再次感謝古天樂多次致電關心：「佢嚟就OK，心意勝過一切。」陳慎芝指儀式上會分享基哥生平。
同場的趙慧珊對於電影描述失智症家庭，她坦言擔心父母會患病：「我成日捉佢哋按摩，每個月又買啲冬蟲草畀佢哋食。因為呢個病會令人好心痛，相處咁多年，佢唔記得你，好似個靈魂唔知飛走咗咁。」
採訪：盧妹
攝影：陳俊強