【財經訪問】遠東發展（035）主席邱達昌是地產商中的異類，三年前警告偽豪宅盤成樓市危機，兩年前更直指整固期將至，惟兩年來樓價一直大漲小回，至今累積升幅近兩成。睇錯市的「老虎仔」上周依然企硬不轉軚，「我見唔到香港地產點樣可以再升」，強調樓價與社會脫節，眼見新加坡、馬來西亞人置業皆不如港人辛苦，「我唯一睇錯，係大陸有錢佬睇法唔同，佢地覺得抵、平呀嘛」。
盼港府准跨媒體經營
邱達昌認識一位育有三名子女的資深銀行家，正困擾是否協助長子置業，煩惱癥結在於給長子首期，日後未必有能力資助另外兩名子女，「佢已經打緊皇帝工，都唔夠首期畀三個仔女，你話幾咁恐怖呢！」如今邱仍然相信樓市會有調整，「唔好對經濟太樂觀，貿易戰等等都未搞掂晒」，但難預測時間，屆時集團一定會回歸「家鄉」香港投資。
境外市場方面，他有意力攻英國房地產，認為脫歐無礙其他國家投資者赴英置業，包括亞洲、非洲、中東。同時受美國收緊簽證影響，大批學子轉投英國升學亦吸引一班家長客，再者加息機會渺茫，他相信現時是抓緊低潮在英國擴張的良機。大灣區是他另一個看好的市場，如深圳、佛山或中山等地，開發針對港人的綜合發展項目，他指現時已有目標，期望今年底或明年初公佈。
至於投資物業，遠展董事總經理孔祥達指，公司大批酒店以賬面值入賬，涉及約178億元重估盈餘未能於資產負債表上反映，未來會視乎情況透過三個方法釋放資產價值，包括出售海外非核心資產，如非帝盛品牌的酒店；將投資物業融資，令負債比率達合適水平，再投放在更高回報項目；以及考慮將停車場或酒店成立資產信託。
對傳媒難離難捨的邱達昌，一直認為港府應允許媒體公司同時持有不同牌照，如電台、電視、報紙等，他認為假如限制解除，「記者可以溝埋嚟做，做生意老細好現實，如果一個記者可以幫我跑電視，返去幫我喺收音機播，夜晚寫埋日報，咁人工一定高過你淨係做一味」。至於薪酬方面，「睇你老闆有冇良心，理論上人工可以畀高啲」。
另外，對近期修訂《逃犯條例》引發風波，邱指特首已致歉，並間接地表示會無限期拖延，「誠心講，我係支持呢個特首」，形容林鄭月娥是個有能力的人，相信她餘下的任期仍會努力辦事。