盧偉聰，唔知有冇衰十一但肯定衰改壞名。本來父母叫佢衝，聽話啦。畏衝，相反晒。這個畏衝叔叔，龜縮喺警總。反而灣仔警總裏面，被年輕人圍堵遲遲放唔到工又驚死冇補水，發晒火的便衣探員612暴警現形，向住玻璃外面「亞洲自由電台」記者粗罵，口形一睇便知是「麥美娟」！
畏衝與月鴕，一對璧人，成為全城緝兇的公敵。月娥，你還要躲到幾時？躲到醫院，問阿Sir「催淚彈個催字點樣寫」的護士，若良心發現，掉轉頭兇你「撤回兩個字都唔識寫」？年年考第一的你，未必甩到身。我理解尊重被麥美娟當面「自由西」的你，是上帝感召，神的僕，主的鴕，被「西」一下是不可能神隱的。麥美娟從屬那個工會，眾所周知，曾經與警民為敵，喜與炸彈為伍，你早就應該unfriend！同樣地，必須盡快跟衝得過火、違反守則的速龍武警割席，贏回香港年輕人。不過，在暴警極有可能再次「記你老母」柒出國際之前，我們迷惘了，律政司好姐妹和你一樣懶理撤控暴動罪和獨立調查的強烈訴求，證明自己勁過CY2.0！你的管治，技術上已經自動失效。道歉的廢話不講也罷，以奶媽功力，收拾警隊慈母的爛攤子吧。