【本報訊】6.12警方暴力鎮壓示威者，事隔逾10日，港人至今記憶猶新。當日置身戰場中的自由攝影師翁志偉，幾乎沒有保護裝備，留在相對安全的夏慤道天橋上，捕捉橋下添華道一帶驚心動魄的場面。
後退引示威者入甕
當日下午3時，添華道前的示威者將防線向警察推進，翁志偉形容民眾所用的武力很低很克制，「都係推鐵馬、掟安全帽……中間有四、五個執石頭，但都冇人理佢哋，矛就梗係冇，石頭都冇掟出去」。雙方僵持了一段時，在橋上的翁突然察覺到詭異的發展，「警察突然間退，平時唔畀你入就唔畀你入㗎嘛，冇理由咁樣退返入政總同特首辦」，示威者於是一舉由龍和道和夏慤道湧進添華道。隨後，警察就將催淚彈連珠爆發地射向甕中之鱉的民眾。
示威者瞬即節節敗退，警察衝出夏慤道。在橋上，翁志偉攝下了這樣的一個情況，「嗰陣橋下有一堆記者喺度，冇晒示威者，突然有另一個落咗單」，那人正是另一位自由攝影師，身上沒有記者識別，「啲差人就指住佢，成支（胡椒水槍）噴落去。根本冇需要，距離十幾廿個身位」。更驚險的是，他發現如火球的催淚彈飛向民眾，「啲人全部背對警察，走緊㗎，你無端端仲放一個落嚟。只係為咗驅散嘅話，唔應該咁」。
■記者關冠麒