上星期五喺社交媒體宣佈掛靴嘅費蘭度托利斯，喺上禮拜六仍然有跟隨鳥棲砂岩作客北海道札幌岡薩多，不過喺費托坐冷板下，鳥棲1:3輸波。其實費托上季為鳥棲踢17場入3球，今季仲一球冇入過，所以35歲嘅費托冇正選踢都唔奇。費托今朝會喺東京開記招交代退役一事，而上周鳥棲作客紅鑽，費托67分鐘後備落場，可能係佢職業生涯最後一戰！