【爆相爆片】鄭嘉穎日前表示會為太太陳凱琳（Grace）安排一個陽光與海灘之旅，慶祝太太的28歲生日，還會帶同4個月大的囝囝鄭承悅同行。《蘋果》讀者Kit昨日透過「爆相爆片」，直擊嘉穎與Grace現身機場。
昨早大概8時，嘉穎一家在機場禁區出現，同行還有工人姐姐，Kit說：「我唔係太清楚邊班機，不過見到嘉穎全程孭住阿仔，湊仔手法都好純熟，Grace反而好悠閒。可能嗰陣太早，所以唔係好多人見到佢哋，佢哋都好輕鬆。」Kit還說：「佢哋個仔好乖，眼仔睩睩咁周圍望，全程都冇扭計。」從相片所見，嘉穎戴着「KC」字的紅色帽，之前他與陳凱琳拍拖時，已常戴這頂情侶帽晒甜蜜，不過他多數戴代表Grace的「G」字帽，而Grace今次就戴上另一頂白色帽。
採訪：唐心悠